Logitech 下个月会有旗舰滑鼠 MX Master 推出，个名咁巴闭，仲要讲到係「Logitech 有史以来最先进的无线滑鼠」，一齐睇下有几坚。
无段捲动模式最适合一碌碌到文件或网页底部。侧边嘅拇指轮就提供左右捲动功能。一般 Mouse 得一个滚轮，MX Master 就有两个，左右按键中间果个支援无段捲动模式，方便用家一碌碌到尾；另一个滚轮就係拇指轮，畀用家左右捲动，结合两个滚轮就可以实现四向捲动。MX Master 顶部同侧边共有 3 个自定功能按钮，可以兼容到 Mac OS 嘅操作手势。
底部提供 Easy-Switch 按钮方便切换不同装置。支援 2.4GHz 同蓝牙两种连接方式。MX Master 另一强项係连接性，有齐 Logitech Unifying 2.4GHz 接收器同蓝牙两种连接方式，仲可以同时配对最多 3 个装置，配合 Easy-Switch 技术就可以轻鬆切换不同装置。滑鼠採用 Darkfield 1,000dpi 雷射感应器，喺玻璃表面用都冇问题。MX Master 将于 4 月发售，开价 $849，呢口价买只滑鼠真係几富贵下。
Logitech 产品经理 Arnaud Perret-Gentil 特地来港介绍 MX Master 的研发过程。滑鼠由木块精心手工打造，务求提供最佳舒适度。
拇指握位的角度经过微调，选出最为配合手型的设计。MX Master 的木製原型。官方讲到咁劲，又睇下佢点做只Mouse?